Çempionlar Liqasında ikinci finalçı müəyyənləşib. 

Sportfm.az xəbər verir ki, yarımfinalın ikinci cütündə "Ayaks" doğma azarkeşləri qarşısında ilk oyunda 1:0 hesabı ilə qalib gəldiyi "Tottenhem"i qəbul edib. 

Grüş İngiltərə təmsilçisinin 3:2 hesablı qələbəsiylə başa çatıb. Beləliklə, səfər qolu sayəsində London klubu finalda oynamaq hüququ qazanıb. Həlledici görüşdə "Tottenhem"in rəqibi "Liverpul" olacaq.

Final matçı iyunun 1-də Madriddə yerləşən "Vanda Metropolitano" stadionunda keçiriləcək.

Çempionlar Liqası
Yarımfinal, cavab oyunu 

"Ayaks" (Hollandiya) - "Tottenhem" (İngiltərə) - 2:3
Qollar: Matteis de Liqt, 5, Hakim Zieş, 35 - Lukas Moura, 54, 59, 90+4

İlk oyun - 1:0