Yunan-Roma güləşi üzrə yığma komandamızın Göygöl Olimpiya İdman Kompleksində təlim-məşq toplanışı davam edir.

Sportfm.az xəbər verir ki, aprelin 24-dən start verilən hazırlıq prosesində baş məşqçi Şaban Donat, böyük məşqçi Rövşən Bayramov, məşqçilər Emin Əhmədov, Turac Hüseynli, eləcə də gənclərdən ibarət yığmanın böyük məşqçisi Nurəddin Rəcəbovun rəhbərliyi ilə 30-a yaxın güləşçi iştirak edir. Gənclərin də daxil olduğu geniş heyət gündə üç dəfə məşq edir. Gündüz fiziki hazırlığa diqqət yetirilirsə, axşam əsasən taktiki-texniki çalışmalara üstünlük verilir.

Qeyd edək ki, Göygöl toplanışı mayın 8-dək davam edəcək. Daha sonra millimiz mayın 10-dan 12-dək Ukraynada keçiriləcək beynəlxalq turnirdə çıxış etmək üçün Kiyevə yollanacaq.

Oxşar xəbərlər

Millimiz bu dəfə Almaniyada hazırlaşır

Yığmamız hazırlığa başladı

Toplanış davam edir

Güləşçilərimiz Belarusa yollanır

Güləşçilərimiz reytinq xarakterli beynəlxalq turnirlərə hazırlaşır