AFFA-nın təşkil etdiyi Region Liqasında ilk finalçı müəyyənləşib. 
Sportfm.az xəbər verir ki, yarımfinalda “Araz Naxçıvan”ı 3:0 hesabı ilə məğlub edən “Uğur” həlledici görüşə vəsiqə qazanıb.
Sumqayıt təmsilçisinin heyətində Anar Ağayev, Ülvi Quliyev və Azərbaycan millisinin sabiq hücumusu Vüqar Nadirov fərqlənib. 
“FC Baku” və “Şahdağ” (Qusar) arasında bu günə nəzərdə tutulan digər yarımfinal oyunu qeyri-müəyyən müddətə təxirə salınıb. 
Buna səbəb paytaxt təmsilçisi ilə “Füzuli” arasında keçirilmiş matçın nəticəsinin manipulyasiyası şübhəsi ilə AFFA-ya məlumat daxil olmasıdı. 

Qusar komandasının baş məşqçisi Kamran Əlibabayev açıqlama verib: "Gərgin və maraqlı keçən mövsümün finiş xəttinə çatırıq artıq. 

Qarşıda cəmi iki oyun qalıb - yarımfinal və final.Komandamızın çempion olacağına inanıram. Yarımfinal oyununun hazırlıqlarına keçən həftədən etibarən.start vermişdik. 

Oyunun məlum səbəblərdən bəlli olmayan tarixə təxirə salınması hazırlıq planımızı pozdu. Sabahdan etibarən məşqləri bərpa edəcəyik. 

Cəmi 2 oyun bizi çempionluqdan ayırır. Kuboku Qusara gətirəcəyik". (sportinfo.az)

Oxşar xəbərlər

"Cəbrayıl" Region Liqasının qalibidir

Region Liqasının final məkanı müəyyənləşdi

Final oyununun vaxtı açıqlandı

AFFA-dan Region Liqası ilə bağlı daha bir qərar - Oyunun nəticəsi ləğv edildi

Region Liqasında ilk finalçı müəyyənləşdi