"Qəbələ"nin və Azərbaycan milli komandasının üzvü Bəhlul Mustafazadə mövsümün sonunda Avropaya yollana bilər. 

Sportfm.az xəbər verir ki, 21 yaşlı mərkəz müdafiəçisi Şotlandiya nəhəngi "Seltik"in maraq dairəsindədir. 

Qlazqo klubunun müdafiəçisi Dedrik Boyata mövsümün sonunda Almaniyanın "Herta" klubuna üz tutacaq. Digər arxa xətt oyunçusu Filip Benkoviç isə "Lester Siti"yə qayıdacaq. Bu səbəbdən də "Seltik" Mustafazadəni transfer siyahısında ilk sıralara yazıb. 

Məlumatda qeyd edilib ki, mayda azad agent statusuna yiyələnəcək gənc oyunçu yay toplanışına dəvət olunacaq. Bəhlul özünü yaxşı tərəfdən göstərsə, "Seltik"lə müqavilə imzalayacaq. 

Qeyd edək ki, Bəhlul Mustafazadə "Qəbələ"nin yetirməsidir. O, cari mövsüm Premyer Liqada 20 oyun keçirib.(sportal.az)

Oxşar xəbərlər

“Qarabağ” Bəhlul Mustafazadə ilə yeni müqavilə imzaladı

Bəhlul Mustafazadə xarici klubla müqavilə bağladı - Transfer

Bəhlul Mustafazadə ilə bağlı yeni iddia

Bəhlul "Qəbələ"dən ayrıldı - Karyerasını Azərbaycanda davam etdirəcək

Cerrard "Qəbələ"nin futbolçusuna göz dikdi