Qazaxıstanın “Tobol” klubunun qapıçısı Emil Balayev Azərbaycan millisinə dəvət alıb.

Sportfm.az xəbər verir ki, yeni baş məşqçi Nikola Yurçeviç 24 yaşlı futbolçunu qarşıdakı iki oyun üçün yığmaya çağırıb. Bunadək ölkə xaricində çıxış edən hücumçular - Dmitri Nazarov (“Aue”, Almaniya), Rüfət Dadaşov “Proyssen” (Almaniya) və Ramil Şeydayevin (“Krılya Sovetov”, Rusiya) N.Yurçeviçin açıqlayacağı ilk heyətdə yer alacağı bilinirdi.

Yekun heyətin bu həftə açıqlanacağı gözlənilir.

Qeyd edək ki, Azərbaycan millisi martın 21-də AVRO-2020-nin seçmə mərhələsinin ilk turunda Xorvatiya komandasının qonağı olacaq. N.Yurçeviçin rəhbərlik etdiyi kollektiv martın 25-də Bakıda Litva yığması ilə yoldaşlıq oyunu keçirəcək.

Oxşar xəbərlər

Emil Balayev yenidən yığmamızda - Dəvət

Nikola Yurçeviç heyəti açıqladı - SİYAHI

Millimizin 2 oyun üçün heyəti müəyyənləşdi - SİYAHI

Ramil Şeydayev Bakıya gəlir

Yurçeviç Dadaşovu milliyə dəvət etdi