Türkiyə Superliqasının XXV turunda İstanbul derbisi baş tutub. Lider “Başakşəhər” doğma meydanda “Fənərbaxça”nı qəbul edib.

Sportfm.az xəbər verir ki, “Fateh Terim” stadionunda baş tutan görüşün 19-cu dəqiqəsində “Başakşəhər”in braziliyalı hücumçusu Robinyo hesabı açıb. Birinci hissə elə bu hesabla bitib.

Lakin qonaqların cavab qolu çox da gecikməyib. Roberto Soldado 73-cü dəqiqədə hesabı bərabərləşdirib. Meydan sahibləri isə 83-cü dəqiqədə Stefano Nappolioninin qolu ilə qələbə qazanıblar. Beləliklə, “Fənərbaxça” səfərdə “Başakşəhər”ə 1:2 hesabı ilə məğlub olub.

Bu qələbədən sonra “Başakşəhər” turnir cədvəlində 57 xalla lider mövqeyini möhkəmlədib. “Fənərbaxça” isə 28 xalla 14-cü pillədə qərarlaşıb.

Oxşar xəbərlər

"Fənərbaxça" qalib gəldi, "Trabzonspor" bərabərə qaldı - Türkiyə Super Liqası

"Qalatasaray"dan böyük hesablı qələbə - Super Liqa

“Başakşəhər” turu qalibiyyətlə başa vurdu

"Başakşəhər" - "Trabzonspor" matçında 4 qol vuruldu - VİDEO

"Qalatasaray" "sarı-qırmızılar"ı məğlub etdi