Azərbaycan millisinin hazırlıq planı açıqlanıb.

Sportfm.az AFFA-nın rəsmi saytına istinadən xəbər verir ki, Nikola Yurçeviçin rəhbərlik etdiyi kollektiv martın 16-dan etibarən Bakıda təlim-məşq toplanışına başlayacaq.

Komanda martın 19-dək Mərdəkan qəsəbəsində, “Dalğa Arena”nın ərazisindəki Milli Komandaların Məşq Mərkəzində qalacaq.

Həmin gün nahardan sonra Zaqrebə yollanacaq milli Xorvatiya yığması ilə oyundan dərhal sonra Bakıya qayıdacaq və martın 25-də “Bakcell

Arena”da Litva yığması ilə keçirəcəyi oyunun hazırlığına başlanacaq.

Millinin qeyd olunan toplanışlar və oyunlar üçün heyəti gələn həftə açıqlanacaq. N.Yurçeviç “Qarabağ” və "Neftçi” klublarının bazasında olub.

Millinin baş məşqçisi hər iki komandanın baş məşqçisi – Qurban Qurbanov və Roberto Bordinlə görüşüb.

Görüş zamanı milli komandaya dəvət olunacaq və namizəd hesab edilən futbolçuların hazırlıq səviyyəsi ilə bağlı ətraflı fikir mübadiləsi aparılıb.

Oxşar xəbərlər

“Sabah”ın yay hazırlıq planı

Millimiz üç yoxlama oyunu keçirəcək

Millinin heyətində dəyişiklik edildi

Yığmamızın hazırlıq planı açıqlandı

“Qarabağ”ın Çempionlar Liqasına hazırlıq planı müəyyənləşdi