Beynəlxalq Şahmat Federasiyası (FIDE) “Grand Swiss 2019” super turnirinin keçiriləcəyi tarixi və yeri açıqlayıb.

Sportfm.az xəbər verir ki, turnir bu il oktyabrın 7-dən 21-dək İngiltərənin Men adasında keçiriləcək. Turnirin ümumi mükafat fondu 400 min ABŞ dolları təşkil edəcək. Yarışda 160 şahmatçı mübarizə aparacaq. Onlardan yalnız biri iddiaçılar turnirinə vəsiqə qazanacaq. İştirakçılardan 105-i FIDE-nin əvvəl açıqladığı qaydalar üzrə yarışa qatılmaq hüququ qazanacaq. Digər iştirakçılar isə yarışın təşkilat komitəsi ilə FIDE tərəfindən müəyyənləşdiriləcək. Bunlar əsasən qadınlar, gənclər, yeniyetmə şahmatçılar və yerli idmançılar olacaqlar.

Turnirdə Azərbaycan şahmatçılarından Şəhriyar Məmmədyarov, Teymur Rəcəbov, Arkadi Naydiç, Rauf Məmmədov, Eltac Səfərli və Qədir Hüseynov iştirak edəcəklər.

Oxşar xəbərlər

Riqa “Grand Swiss-2021” turnirinə ev sahibliyi edəcək - FIDE

Şahmatçılarımızdan 1 qələbə, 1 məğlubiyyət, 2 heç-heçə

Şahmatçılarımız “FIDE Grand Swiss 2019”-da mübarizə aparacaqlar

İki azərbaycanlı 280 min avro üçün mübarizə aparacaq

FIDE yeni Qran-pri təsis etdi