Topaz Premyer Liqasının IV turu daha bir futbolçunun 250-ci oyununu keçirməsi ilə əlamətdar olub. Sportfm.az PFL-in rəsmi saytına istinadən verdiyi məlumata görə, II turda Samir Zərgərov, III turda Ruslan Əmircanov buna nail olmuşdusa, bu dəfə Viktor İqbekoyi 250-ni fəth edib. "Zirə”nin futbolçusu "Kəpəz”lə səfər matçında yubileyini qeyd edib. 2006-cı ildən Azərbaycanda çıxış edən nigeriyalı 11-ci mövsümdür oynadığı Premyer Liqada "Turan”, "Qarabağ”, AZAL və "Zirə”nin şərəfini qoruyub. 250 matçda 47 qol vuran afrikalı buna nail olan 51-ci oyunçu kimi tarixə düşüb. İqbekoyi Azərbaycan çempionatında ən çox oyun keçirən 3 legionerdən biridir. "Zirə”nin futbolçusunadək yalnız milliləşənlər – ukraynalı Aleksandr Çertoqanovla rusiyalı Arif Daşdəmirov 250-ni arxada qoymuşdu.

 

mövsüm	klub	oyun	qol
2006/07	Turan (Tovuz)	22	9
2007/08	Qarabağ (Ağdam)	22	5
2008/09	Qarabağ (Ağdam)	3	1
2008/09	Turan (Tovuz)	11	7
2009/10	AZAL (Bakı)	20	3
2010/11	AZAL (Bakı)	29	3
2011/12	AZAL (Bakı)	24	1
2012/13	AZAL (Bakı)	29	8
2013/14	AZAL (Bakı)	31	6
2014/15	AZAL (Bakı)	22	2
2015/16	Zirə (Bakı)	34	2
2016/17	Zirə (Bakı)	3	0
Cəmi		250	47