Lionel Messi yenə də Argentina mətbuatının tənqid hədəfinə çevrilib. Messi zədələndiyinə görə, DÇ-2018-in seçmə mərhələsində Venesuela ilə oyunda (2:2) iştirak edə bilməmişdi. Futbolçu "Barselona"nın düşərgəsinə qayıtdıqdan sonra intensiv məşqlərə başlayıb. O, İspaniya çempionatının 3-cü turunda keçiriləcək "Alaves"lə oyunda meydana çıxmağa hazırlaşır. Komanda.az xəbər verir ki, bu da Argentina mətbuatında Messiyə qarşı kəskin tənqidlərə yol açıb. Mətbuat yığmanın oyunundan zədəsinə görə imtina edən Messinin "Alaves"lə qarşılaşmada meydana çıxmaq istəyini biabırçılıq adlandırıb. Messi qasıq nayihəsindəki ağrılardan şikayətlənirdi.