İtaliya "A" seriyasında ən çox məvacib alan futbolçuların adları açıqlanıb. Komanda.az xəbər verir ki, "Yuventus”un hücumçusu Qonsalo İquayn "A" seriyasında ən çox məvacib alan futbolçudu. Argentinalı futbolçunun illik məvacibi 7,5 milyon avrodu. "Roma”nın futbolçusu Daniele de Rossi 2-ci pillədə qərarlaşıb. O, ildə 6,5 milyon avro məvacib alır. "Yuventus” "A" seriyasında məvacib büdcəsi ən çox olan klubdu. "Qoca sinyora”nın illik məvacib büdcəsi 145 milyon avrodu. İkinci yerdə 120 milyonluq büdcəylə "İnter” qərarlaşıb. Üçüncü yerdə olan "Roma”nın məvacib büdcəsi 92 milyon avrodu. Ən az məvacib büdcəsi "Kratone”dədi - 400 min avro.