İspaniyanın "Real Madrid" klubunun Fransa PSJ-sində çıxış edən Neymara təklif etdiyi illik məvacib bəlli olub.

Sportfm.az xəbər verir ki, Madrid təmsilçisinin prezidenti Florentino Peres 27 yaşlı hücumçuya 5 illik sözləşmə ilə illik 40 milyon avro təklif edib. Bildirilib ki, braziliyalı oyunçu hələ ki, bu təklifə cavab verməyib. 

İspaniyanın digər nəhəng klubu "Barselona"nın isə Neymar üçün klubuna 250 milyon avro təklif etdiyi iddia olunur. Ulduz futbolçu "Real Madrid"in təklifinə müsbət cavab versə, Messidən sonra ən çox məvacib alan oyunçu olacaq. 

Qeyd edək ki, Neymar iki il əvvəl “Barselona”dan PSJ-yə rekord məbləğə - 222 milyon avroya keçib. Onun Paris klubu ilə müqaviləsi 2022-ci ilədək qüvvədədir. Neymar daha öncə Paris klubunun rəhbərliyinə ayrılmaq istədiyini bildirib. 

Oxşar xəbərlər

PSJ Neymara çəkdiyi xərc açıqlandı

“Barselona” Neymar üçün yeni təklif göndərdi

Neymar “Yuventus”a keçmək istəyir

Neymar elə bir təklifi rədd etdiki...

Neymar üçün iki ulduz və 60 milyon avro