4 qat dünya çempionu, iki dəfə Yay Olimpiya oyunlarında medal qazanan, sərbəst güləşin əfsanələrindən sayılan rusiyalı Besik Kuduxov 2013-cü ildə Krasnodar vilayətində avtomobil qəzasında faciəvi şəkildə dünyasını dəyişib. 

Avqustun sonunda London Olimpiadasında dopinq qəbul edən idmançıların adlarının açıqlanmasından sonra Kuduxovunda böyük Britaniyada qazandığı bürünc medalının ləğv olunacağı məlum olub. Qaydaya əsasən, onun medalı Besikə məğlub olan hindistanlı Yoqeşvar Dutta çatmalıdır. Ancaq hindistanlının bununla bağlı öz fikri var:

"Besik Kuduxov-böyük güləşçi olub. Ölümündən sonra belə bir məlumatın üzə çıxması çox üzücüdür. Mənə onun medalı lazım deyil. Onun medalının ailəsində qalmasını istəyirəm. Bu daha düzgün olardı”, - deyə idmançı bildirib. 

Qeyd edək ki, 2012-ci ildə London Olimpiadasında güləşçimiz toğrul Əsgərov finalda məhz Besik Kuduxovu məğlub edərək qızıl medal qazanmışdı.