AFFA İntizam Komitəsi müxtəlif liqalarda baş vermiş zorakılıq halları ilə əlaqədar tədbirlər görüb. 

Sportfm.az xəbər verir ki, U-13 Liqasında Sumqayıt “UGİM 1”i ilə oyun başa çatandan sonra “Laçın” (Pirəküşkül) komandasının məşqçisi Məhəbbət Rəhimov aqressiv davranışlara yol verərək, hakimə fiziki təzyiq göstərib. Nəticədə o, 12 ay müddətinə yarışlardan kənarlaşdırılıb. 

Bundan başqa, "Uğur" (Ucar) komandasının futbolçusu Musa Hacızadə "Sabirabad"la matçda öz komanda yoldaşını təhqir edib. Nəticədə meydandan kənarlaşdırılmış oyunçuya 2 matçlıq cəza tətbiq olunub. 

Futzal üzrə Azərbaycan çempionatının İkinci Liqasında keçirilmiş “Avanqart” – “Star Karqo” matçında da oxşar hal yaşanıb. Həmin qarşılaşmada isə “Star Karqo”nun futzalçısı Anar Məmmədov hakimi təhqir etdiyi üçün meydandan qovulub. Məmmədov bu hərəkətinə görə 4 oyunluq cəzalandırılıb. 

İkinci Liqanın “Bibi-Heybət” – “Baku Fire-2” görüşünün hakimi də təhqirlə üzləşib. Federasiya “Baku Fire-2”nin oyunçusu Fikrət Zeynallıya 4 oyunluq cəza kəsib. 

Oxşar xəbərlər

“Baku Fans” komandasının baş məşqçisi 5 oyunluq cəzalandırıldı

Baş məşqçi öz oyunçularını təhqir etdi, AFFA cəza verdi - Olay

AFFA hakimi təhqir edən oyunçunu 10 oyunluq cəzalandırdı

Futzalçı hakimi təhqir etdi, AFFA cəzalandırdı

AFFA Kərimovu cəzalandırdı - hakimləri təhqir etdiyi üçün