Rio-2016 Yay Olimpiya Oyunlarının sərbəst güləş yarışlarında insident yaranıb. Sportfm.az-ın məlumatına görə, bu, 65 kq çəkidə mübarizədə Monqolustan təmsilçisi Mandaxnaran Qandzoriçlə özbək İxtiyar Novruzovun qarşılaşması zamanı baş verib. Hakimlərin qərarından narazı qalan monqolustanlı məşqçilər paltarlarını soyunaraq etiraz ediblər. Bu zaman hesab 7:7 olub. Monqol məşqçilərin qeyri-adi etirazına görə isə özbəkistanlı İxtiyar Novruzova daha bir xal verilib və o görüşü qələbə ilə başa vurub.