Bu gün Bakı İdman Sarayında futbol üzrə braziliyalı ikiqat dünya çempionu Kafunun Xüsusi Olimpiya Hərəkatının dünya üzrə səfiri elan edilməsi ilə bağlı sənəd imzalanıb.

Sportfm.az xəbər verir ki, tədbirdə çıxış edən veteran futbolçu bildirib ki, Bakıya ilk səfərində bu cür tədbirdə iştirak etmək onun üçün çox xoşdur: "Xüsusi Olimpiya Hərəkatı ailəsinin üzvü olmaq qürurvericidir. Uşaqların üzünü güldürmək puldan və hər bir qalibiyyətdən önəmlidir". Daha sonra Kafu və D.Evangelista əməkdaşlıq müqaviləsi imzalayıblar.

Qeyd edək ki, Kafu 1989 - 2006-cı illərdə Braziliya millisində çıxış edib. 48 yaşlı sabiq cinah müdafiəçi karyerası ərzində vətənində "San Paulu", "Palmeyras", İspaniyanın "Saraqosa", İtaliyanın "Roma" və "Milan" klublarının formasını geyinib. O, 1994 və 2002-ci il dünya çempionatlarının qalibidir.

Oxşar xəbərlər

Kafunun oğlu dünyasını dəyişdi - FOTO

Fərid Mansurov İsgəndər Cavadovla futbol oynayacaq

Kafu Bakıya gəlir

Bakıda daha bir qlobal forum keçiriləcək - FOTO

"Onun komandasından istənilən şeyi gözləmək olar"