Milli komandaların oyunları ilə əlaqədar yaranan fasilə dövründə “Qəbələ” və “Zirə” arasında yoxlama oyunu (0:2) keçirilib. 

Sportfm.az xəbər verir ki, qarşılaşmadan sonra “qırmızı-qaralar”ın baş məşqçisi Sənan Qurbanov oyun barədə fikirlərini klub saytına açıqlayıb:

“Bu yoxlama oyunu inkişaf baxımından bizim üçün çox vacib idi. Çempionatda yaranan fasilə dövrü üçün məşq prosesi, oyun, ardınca hazırlıq və 2-ci yoxlama görüşündən ibarət proqram qurmuşduq. MOİK-lə ilk sınaq matçında demək olar ideal futbol oynamışdıq. Həm gənclər, həm də təcrübəli futbolçuların çıxışından razı qalmışdım. Bu dəfə ikinci hissədəki oyun məmnun qaldım. Futbolçuların daha hərəkətli olması, pressinq etməsi, top saxlaması lazım idi ki, bunu da fasilədən sonra gördüm. Ümumilikdə yaxşı ikinci hissə izlədik. Oyundan sonra futbolçulara bir günlük istirahət verib, sonra yenidən hazırlığa davam edəcəyik”.

9 futbolçusu müxtəlif yığmaların heyətində olan “Qəbələ”nin əsas komandasına U-19-un bəzi üzvləri də cəlb olunub. Qurbanov gənc oyunçuların yoxlama matçlarındakı çıxışını da dəyərləndirib:

“9 futbolçumuzun müxtəlif milli komandalarda olması bizim üçün fəxrdi. Hazırlıq prosesinə gənc oyunçuları cəlb etdik. Onları yoxlama matçlarında da sınamaq imkanımız yarandı. Çox yaxşı məlumat topladıq. MOİK-lə qarşılaşmada gənc futbolçular yaxşı təsir bağışladı. Bu görüşdə də özünü yaxşı tərəfdən göstərən oyunçular oldu. Belə davam etsələr, onların bəziləri əsas heyətdə yer almağa başlayacaq”.

Oxşar xəbərlər

“Qəbələ” “Qəbələ”yə qarşı oynayacaq - Yoxlama oyunu

Şopiç komandasının daha yaxşı yerdə olacağına inanır

"Onlar gözümüzün önündə yetişiblər" - Sənan Qurbanov

"Bu oyun bizim üçün yaxşı məşq oldu" - Sənan Qurbanov

Sənan Qurbanov: "Oyunçuların buna cəhd etdiklərini gördüm"