"Zirə” futbol klubunun prezidenti Vüqar Astanov vəzifəsindən ayrılıb. Sportfm.az klubun rəsmi saytına istinadən xəbər verir ki, klub təsisçilərinə müraciət edən Astanov işlərinin çoxluğu ilə əlaqədar vəzifəsindən ayrılmaq istədiyini bildirib. "Zirə”də prezident vəzifəsini müvəqqəti olaraq, icraçı direktor Natiq İsmayılov yerinə yetirəcək. "Zirə” klubu inkişafında və qazandığı uğurlarda böyük əməyi keçən Vüqar Astanova gördüyü işlərə görə təşəkkür edir, ona uğurlar arzulayır.