Makedoniyanın Skopye şəhərində yeniyetmə güləşçilər arasında keçirilən Avropa çempionatında Azərbaycanın sərbəst güləşçiləri 1 qızıl, 2 gümüş və 1 bürünc medal qazanıblar.

Sportfm.az xəbər verir ki, qızıl medal qazanan Turan Bayramov həm də oktyabrda Argentinanın paytaxtı Buenos-Ayresdə təşkil olunacaq Yeniyetmələrin III Yay Olimpiya Oyunlarına lisenziya əldə edib.

Bayramov finalda rusiyalı Maqomed Abdulkadirova 9:0 hesabı ilə qalib gələrək, Avropa çempionu olub.

Fuad Mayılov (80 kq) və İslam Abuyev (110 kq) gümüş, Əlihəsən Əmirli (48 kq) bürünc medala sahib olub.

Daha əvvəl qadın güləşçi Şahanə Nəzərova (43 kq) da olimpiadaya lisenziya qazanıb. O, Avropa çempionatında finala yüksəlib.

Oxşar xəbərlər

Olimpiadada güləşçilərimizin rəqibləri bu gün məlum olacaq

Azərbaycanlı atlet Argentinaya yollanacaq

Güləşçilərimiz dünya çempionatında 8 medal qazandı

Yeniyetmə qızlardan Olimpiadaya 1 lisenziya

Azərbaycan güləşi üçün 2017-ci ilin yekunu