Amerika kubokunun iştirakçılarının sayı və tərkibi dəqiqləşib.

Sportfm.az xəbər verir ki, digər qitə təmsilçilərinin iştirakı ilə keçirilməsi ənənəvi hal alan Cənubi Amerika çempionatında 12 komanda mübarizə aparacaq.

2019-cu ildə təşkil olunacaq yarışa qonaq qismində Asiya təmsilçiləri qatılacaq. Bunlar Yaponiya və Qətər milliləridir.

Turnirdə Cənubi Amerika Futbol Konfederasiyasına (KONMEBOL) üzv olan 10 ölkənin yığması da mübarizə aparacaq. Bunlar Argentina, Boliviya, Braziliya, Çili, Venesuela, Ekvador, Paraqvay, Peru, Uruqvay və Kolumbiyadır.

Turnirin 2019-cu ilin iyun-iyul aylarında keçirilməsi planlaşdırılıb. Amerika kubokunu qəbul edəcək ölkə isə hələ dəqiqləşməyib.

Qeyd edək ki, Amerika kubokunun son qalibi Çili yığmasıdır.

Oxşar xəbərlər

Liderdən bərabərlik - Amerika kuboku

Argentina Uruqvayla eyni qrupda - Copa America

Amerika Kubokunun finalçıları məlum oldu

Braziliya və Venesuela eyni qrupda - Kopa Amerikanın püşkü atıldı

Asiya ölkəsi Amerika Kubokunda iştirak edəcək