UEFA "Liverpul" və "Sevilya" klublarını cəzalandırıb. Qol.az-ın qurumun saytına istinadən yaydığı xəbərə görə, buna  ötən mövsüm Avropa Liqasının finalında keçirilən "Sevilya" - "Liverpul" görüşündə hər iki komandanın azarkeşlərinin bəzi hərəkətləri səbəb olub. "Sevilya" azarkeşləri meydançaya kənar əşyalar atdığı üçün klub 17 min avro məbləğində cərimələnib. "Liverpul" isə azarkeşləri qadağan edilmiş banner və pirotexniki vasitələrdən istifadə etdiyinə görə 16 min avro məbləğində cərimə ödəməli olacaq.

Qeyd edək ki, finalda "Sevilya" "Liverpul"u 3:1 hesabı ilə məğlub edərək kuboka sahib çıxıb.