"Mançester Yunayted" növbəti mövsüm futbolçuların hansı nömrə altında oynayacaqlarını açıqlayıb. Komanda.az xəbər verir ki, "qırmızı şeytanlar"ın yeni transferi Zlatan İbrahimoviç 9 nömrəli formanı geyinəcək. Ötən mövsüm bu nömrə altında oynamış Antoni Marsyal isə 11 nömrəli formanı geyinəcək. "Mançester Yunayted" rəhbərliyi belə qərar verərkən, Marsyalın fikri öyrənilməyib. Bu da futbolçunun narazılığına səbəb olub. O, klub rəhbərliyinin bu qərarının mənəvi baxımdan düzgün olmadığını hesab edir.

Marsyal sosial şəbəkədə 9 nömrəli forması ilə şəkillərini paylaşmağa başlayıb. Bununla da o, klub rəhbərliyinə düzgün addım atmadıqlarını anlatmaq istəyir.