Rusiyalı şahmatçı Vüqar Həşimovun xatirə turnirinə qatılmaqdan imtina etdi

Vüqar Həşimovun xatirəsinə həsr olunan ShamkirChess 2018 superturnirində iştirakçıların siyahısında dəyişiklik edilib.

Sportfm.az xəbər verir ki, sabiq dünya çempionu Vladimir Kramnik Təşkilat Komitəsinə məktub ünvanlayıb.

Rusiyalı şahmatçı Berlində keçirilən İddiaçılar Turnirindən sonra bir müddət istirahətə ehtiyacı olduğunu bildirib. Buna görə də sabiq dünya çempionu ShamkirChess 2018 superturnirinin Təşkilat Komitəsindən onu başqa şahmatçıyla əvəz etməyi xahiş edib. Yarış iştirakçılarına uğurlar arzulayan Vladimir Kramnik növbəti illərdə Azərbaycanda keçirilən turnirlərə böyük məmnuniyyətlə qatılacağını yazıb.

Beləliklə Vladimirik Kramnik Şəmkirdə keçiriləcək Vüqar Həşimov Memorialında iştirak etməyəcək. Onun əvəzinə ShamkirChess2018 turnirində Polşa millisinin üzvü Radoslav Voytaşek (2744) mübarizə aparacaq.

Xatırladaq ki, superturnirdə şahmat üzrə hazırkı dünya çempionu, ShamkirChess turnirinin ikiqat qalibi, FİDE reytinqində ilk pillədə qərarlaşan Maqnus Karlsen (Norveç, 2843), sonuncu İddiaçılar Turnirinin iştirakçısı, Çin təmsilçisi Dinq Liren (2778, FİDE reytinqində 8-ci yer), Dünya Kubokunun qalibi, şahmat tacı uğrunda matçın iştirakçısı Sergey Karyakin (Rusiya, 2778, FİDE reytinqində 9-cu yer), Hollandiya şahmatının lideri Aniş Giri (2777, FİDE reytinqində 10-cu yer), FİDE versiyası üzrə dünya çempionu Veselin Topalov (Bolqarıstan, 2749), çexiyalı David Navara (2745) iştirak edəcək.

Azərbaycanı Vüqar Həşimov Memorialında ShamkirChess superturnirinin ikiqat qalibi, üçqat Avropa çempionu, rapid üzrə dünya çempionu, FİDE reytinqində ikinci pillədə qərarlaşan Şəhriyar Məmmədyarov (2814), üçqat Avropa çempionu, dünya çempionatının bürünc mükafatçısı Teymur Rəcəbov (2748) və üçqat Avropa çempionu, blits üzrə Avropa çempionu Rauf Məmmədov (2704) təmsil edəcək.

Vüqar Həşimovun xatirəsinə həsr olunan ShamkirChess 2018 turnirinin təntənəli açılış mərasimi aprelin 18-də Şəmkirdəki Heydər Əliyev Mərkəzində olacaq. 9 turdan ibarət yarışa aprelin 28-də yekun vurulacaq.

№	Komanda	o	x
1	Qarabağ	27	66
2	Neftçi	27	50
3	Zirə	27	46
4	Qəbələ	27	44
5	Sabah	27	40
6	Şamaxı	27	21
7	Sumqayıt	27	19
8	Səbail	27	15

№	Komanda	o	x
1	Araz-Naxçıvan	13	37
2	EKOL	13	30
3	Neftçi İK	13	25
4	Baku Fire	13	22
5	Record club.az	13	12
6	Alyans	13	12
7	U-19	13	9
8	Xilə	13	6

№	Komanda	o	x
1	Qaradağ Lökbatan	24	55
2	Şamaxı-2	24	44
3	Qarabağ-2	24	42
4	Sabah-2	24	39
5	Neftçi-2	24	38
6	MOİK	24	36
7	Kəpəz	24	36
8	Zaqatala	24	33
9	Qəbələ-2	24	33
10	Turan Tovuz	24	33
11	Sumqayıt-2	24	20
12	Səbail-2	24	15
13	Zirə-2	24	12