Bu həftə UEFA Çempionlar Liqasının yarımfinal mərhələsinin püşkatma mərasimi baş tutacaq.

Sportfm.az xəbər verir ki, mərasim 13 aprel Bakı vaxtilə saat 15:00-da başlayacaq.

İsverçənin Nyon şəhərində keçiriləcək püşkatmada ¼ finaldan qalib çıxan komandalar növbəti mərhələdəki rəqiblərini tanıyacaq.

Püşkatma açıq şəkildə keçiriləcək. Yəni, komandalar məxsus olduqları ölkələrdən asılı olmayaraq (eyni ölkədən olsa belə) bir-birilə qarşılaşa biləcək. Səbətdən ilk çıxacaq komanda qarşılamanın ev sahibi olacaq. Püşklər UEFA Çempionlar Liqasının səfiri Andrey Şevçenko tərəfindən çəkiləcək.

Yarımfinalın ilk oyunları 24-25 apreldə, cavab oyunları isə 1-2 may tarixlərində keçiriləcək. Final matçı isə mayın 26-da baş tutacaq.

Qeyd edək ki, Çempionlar Liqasının ¼ finalında “Barselona” - “Roma”, “Sevilya” - “Bavariya”, “Yuventus” - “Real”, “Liverpul” - “Mançester Siti” cütlükləri qarşılaşıb. 1/4 finalın cavab oyunları 10-11 aprel tarixlərində oynanacaq.

İlk oyunlarının nəticələri isə belədir:

“Barselona” (İspaniya) - “Roma” (İtaliya) - 4:1

“Sevilya” (İspaniya) - “Bavariya” (Almaniya) - 1:2

“Yuventus” (İtaliya) - “Real” (İspaniya) - 0:3

“Liverpul” (İngiltərə) - “Mançester Siti” (İngiltərə) - 3:0

Oxşar xəbərlər

Bu gün 1/8 finalın püşkü atılacaq - Çempionlar Liqası

ÇL-də 1/8 finalın püşkatmasının vaxtı məlum oldu

Çempionlar Liqası: Yarımfinal oyunlarının vaxtı məlum oldu

ÇL-də 1/2 finalın püşkü atıldı

UEFA Çempionlar Liqasının dördəbir final mərhələsinin püşkü atıldı