Bu məsələdə əsas söz sahibi olan "Trabzonspor" Şeydayevlə bağlı qərarını mövsümün sonunda verəcək. Transfer qadağası üzündən klub yayda yeni oyunçu almaq hüququndan məhrum olacağından, icarə əsasında digər komandalarda oynayan futbolçuları yay toplanışında sınamaq fikrindədi. Onlar arasında Şeydayev də olacaq. Lakin həmkarlarımız indiki vəziyyətdə Qara dənizlilərin Ramili satmağı planlaşdırdığını vurğulayıb. Onun Azərbaycan klubundakı çıxışını diqqətlə izləyən Superliqa təmsilçisi 22 yaşlı hücumçunu satmağa müsbət baxır.