Bu gün İsveçrənin Nyon şəhərində UEFA Çempionlar Liqasının üçüncü təsnifat mərhələsinin püşkü atılacaq. Sportfm.az xəbər verir ki, Bakı vaxtı ilə saat 14:00-da başlayacaq tədbirdə Azərbaycan çempionu "Qarabağ"ın da növbəti mərhələdəki rəqibi müəyyənləşəcək. Ağdam təmsilçisi püşk zamanı səpələnməmişlər səbətində yer alacaq. Bu isə son Azərbaycan çempionunu daha güclü rəqiblə üz-üzə qoyacaq. Lakin bunun üçün Qurban Qurbanovun komandası hələ ikinci təsnifat mərhələsindəki rəqibini - Lüksemburqun "Düdelanj" klubunu mübarizədən kənarlaşdırmalıdır. Bakıda keçirilən ilk oyunda rəqibinə 2:0 hesabı ilə qalib gələn "Qarabağ" səfərdə də bu üstünlüyünü qorumağa çalışacaq.

Bu rəqibini mübarizədən kənarlaşdıracağı halda isə, "Qarabağ"ı Çexiyaya səfər gözləyir. Ağdam klubu bu ölkənin "Viktoriya" (Plzen) komandası ilə qarşılaşmalı olacaq. İlk oyun Çexiyada keçiriləcək.

 

 

Qeyd edək ki, üçüncü təsnifat mərhələsinin oyunları 26/27 iyul və 2/3 avqust tarixlərində keçiriləcək.