Azərbaycanın daha bir idmançısına dopinqdən istifadəyə görə sanksiya tətbiq edilib.

Sportfm.az xəbər verir ki, bu, Yekaterina Sarıyevadır. 

Yüngül atletika üzrə Azərbaycan millisinin üzvü 12 ay müddətinə bütün yarışlardan kənarlaşdırılıb. Cəza 2017-ci il sentyabrın 23-dən qüvvəyə minib.

23 yaşlı idmançıdan alınmış nümunələrdə qadağan edilmiş maddə və ya onun metabolit, yaxud markerlərinin mövcudluğu təsbit olunub. Onun orqanizmində furosemid aşkarlanıb.

Qeyd edək ki, Yekaterina Sarıyeva üçtəkanla tullanmada III İslam Həmrəyliyi Oyunlarında qızıl, IV İslam Həmrəyliyi Oyunlarında isə bürünc medal qazanıb.

Xatırladaq ki, daha əvvəl Azərbaycanın daha 5 idmançısı dopinq-testdən keçə bilmədiyi üçün AMADA tərəfindən cəzalandırılıb.

Oxşar xəbərlər

2 idmançımız dopinqdən istifadəyə görə cəzalandırıldı

AMADA millinin üzvlərinə sanksiya tətbiq etdi

Yığmamızın üzvü dopinqdən istifadə etdi, idmandan uzaqlaşdırıldı - ŞOK

Millimizin qapıçısına dopinqdən istifadəyə görə sanksiya tətbiq edildi - FOTO

Dörd idmançımıza sanksiya tətbiq edildi