Qolf üzrə dünya reytinqində ikinci pillənin sahibi Dastin Conson Rio-2016-ya qatılmayacaq. Komanda.az xəbər verir ki, amerikalı qolfçu Braziliyada yayılan "zika" virusu üzündən olimpiadada iştirakdan imtina edib. Bu isə o deməkdi ki, bu ilki yay olimpiya oyunlarında dünyanın ən yaxşı 4 qolfçusundan üçü olmayacaq. Ondan əvvəl şimali irlandiyalı Rori Makilroy (reytinqdə 4-cü) və avstraliyalı Ceyson Cey də (reytinqdə 1-ci) "zika"dan qorxduğunu bildirmişdi.

Rio-2016 avqustun 5-21-i aralığında baş tutacaq. 1904-cü ildən sonra ilk dəfə qolf oyunları olimpiya proqramına salınıb.