Rusiyada keçiriləcək futbol üzrə dünya çempionatında yığma komandaların ilkin iştirak ərizələrindəki oyunçu sayı artırılıb. 

Sportfm.az xəbər verir ki, bu barədə DÇ-2018-in Təşkilat Komitəsi qərar qəbul edib.

FİFA mətbuat xidmətinin yaydığı press-relizdə deyilir: "Yığma məşqçilərinin istəklərini nəzərə alan Təşkilat Komitəsi geniş iştirak ərizəsinə salınacaq oyunçuların sayının 30-dan 35-ə artırılmasına razılıq verib. Bundan başqa, FİFA milli federasiyanın razılığı ilə geniş heyəti açıqlaya bilər. Bu düzəlişlər martın 16-da FİFA Şurasının iclasında təsdiqlənməlidir".

DÇ-2018-də yığmaların ilkin iştirakçı siyahısı FİFA-ya mayın 14-dək, 23 oyunçudan ibarət yekun ərizə isə iyunun 4-dək təqdim olunmalıdır.

Qeyd edək ki, dünya çempionatı 14 iyun - 15 iyulda keçiriləcək. 

Oxşar xəbərlər

“Qarabağ” FİFA-23-də yer alacaq

Əvəzetmələrin sayı artırılsın - FIFA təklif etdi

Maradona FIFA-nı tənqid etdi

İnfantino inadından əl çəkmir

Azərbaycan Premyer Liqası gələn mövsüm də tez yekunlaşacaq