Hollandiyanın əfsanəvi futbolçusu Klarens Zedorf yenidən baş məşqçi kimi fəaliyyət göstərəcək. Apasport.az saytının xarici mətbuata istinadən məlumatına görə, 40 yaşlı mütəxəssis bu dəfə Avropada çalışmayacaq. Futbolçu kimi "Ayaks”, "Real”, "İnter” və "Milan”ın heyətində böyük uğurlar qazanmış Zedorf Çin klubu "Şenjen”lə anlaşıb. Belə ki, hollandiyalı mütəxəssis Çinin birinci liqa təmsilçisinin baş məşqçisi təyin edilib. Qeyd edək ki, Klarens Zedorf baş məşqçi kimi 2014-cü ildə "Milan”da debüt edib. Lakin həmin vaxtkı uğursuzluq onun postunda bir neçə ay qalmasına səbəb olub.