İsveçrənin Sankt-Moritz şəhərində qar polosu üzrə dünya kuboku yarışları keçirilib.

Sportrfm.az xəbər verir ki, turnirdə ölkəmizi “Odlar Yurdu Azərbaycan” komandası təmsil edib.

Turnirdə ilk olaraq “Cartier” və “Badrutt’s Palace” komandaları arasında oyun keçirilib. “Badrutt’s Palace” komandası üçün gözləntilər yüksək olsa da, ilk atışdan qırmızı formalı “Cartier” komandası oyunda üstünlüyü ələ alıb. “Badrutt’s Palace” komandasının səylərinə baxmayaraq “Cartier 5-2 hesabı ilə qalib olub.

Günün ikinci matçında “Maserati” bu ilin yeni iştirakçısı “Odlar Yurdu Azərbaycan”a qarşı mübarizə aparıb. Oyun “Maserati” 2-1.5 hesablı qələbəsi ilə yekunlaşıb.

Turnirinin sonuncu günündə “La Martina” kuboku uğrunda “Odlar Yurdu Azərbaycan” və “Badrutt's Palace” komandaları qarşılaşıb. Bu il yarışlarda ilk dəfə iştirak etməsinə baxmayaraq Azərbaycan təmsilçisi ən güclü polo komandalarından geri qalmayaraq 5-4 hesabı ilə qalib gələrək üçüncü yerin və “La Martina” kubokunun qalibi olub.

Finalda isə “Cartier” komandası 4.5-4 hesabı ilə “Maserati”ni məğlub edərək turnirin çempionu olub.

Oxşar xəbərlər

“Land of Fire” İsveçrədə birincidi - UĞUR

Şahmatçılarımız Avropa kubokuna qələbə ilə start verdi

“Land of Fire” komandası dünya kubokunda üçüncü oldu - FOTO

Azərbaycan poloçuları buz üstündə yarışacaqlar - FOTO

"Anatolia" "Odlar Yurdu"na məğlub oldu