"Zenit" klubu öz yetirməsi olan bir neçə futbolçuya yeni müqavilə təklif etsə də, müsbət cavab almayıb. Goal.az xəbər verir ki, "piterlilər"in təklifini rədd edənlərin arasında Azərbaycan əsilli Ramil Şeydayev da var. Ondan başqa Dmitri Boqayev və Pavel Kireyenko da "Zenit"i tərk etməyi qərara alıb. Məlumata görə, "Zenit" hər 3 futbolçunun məvacibini 4-6 dəfə artırmağı öhdəsinə götürsə də, onlar özlərini başqa klublarda sınaqdan keçirmək istəyib. "Sovetskiy sport" nəşri Boqayev və Kireyenkonun yaxın günlərdə "Tosno"ya keçəcəyini bildirir. Şeydayevin gələcəyi isə müəyyənləşməyib.

Qeyd edək ki, Ramil "Zenit"in əsas komandasında debüt oyununu 2014-cü ildə "Mordoviya" klubuna qarşı keçirmişdi.