AFFA İntizam Komitəsi tanınmış futbolçu, hazırda "Baku Fans" futzal komandasının formasını geyinən Aqşin Ömərovu cəzalandırıb.

Sportfm.az qurumun rəsmi saytına istinadən xəbər verir ki, Ömərov ötən il dekabrın 27-də futzal üzrə Azərbaycan birinciliyinin II dəstəsində ADBTİA ilə matçın 20-ci dəqiqəsində qırmızı vərəqə alaraq meydandan kənarlaşdırılarkən oyunun hakimi Yusif Nurullayevə qarşı fiziki təzyiq göstərərək, onu yumruqla vurub. Nəticədə hakim ciddi xəsarət alıb. Bu səbəbdən, futzalçı 2 il müddətinə futboldan kənarlaşdırıb.

Matç sonadək oynanılmadığına görə "Baku Fans"a 0:5 hesablı texniki məğlubiyyət verilib.
Qeyd edək ki, Aqşin Ömərov futbolçu karyerası ərzində "Xəzər Universiteti" (sonradan "İnter", hazırkı "Keşlə"), "Simurq" və "Muğan" kimi komandalarda çıxış edib.

Oxşar xəbərlər

10 oyunluq cəza qüvvədə saxlanıldı

AFFA hakimi təhqir edən oyunçunu 10 oyunluq cəzalandırdı

Döyülən hakim icazə, vuran futbolçu vaxt istədi

Hakimi vuran Aqşin Ömərov: Çox peşmanam

Aqşin Ömərov hakimi döydü