Futtennis üzrə Azərbaycan Super Liqasında 3-cü və 4-cü turun oyunlarına yekun vurulub. 

Sportfm.az xəbər verir ki, ötən gün "Marafon" İdman Klubunda A qrupunda yer alan komandaların oyunları keçirilib. Üçüncü tur çərçivəsində paytaxt "Atletiko"su ilə üz-üzə gələn "Yeni Günəşli" inamlı qələbə qazanıb 2-0. Super Liqanın iddialı klublarından biri olan "Marafon"la NUR-un görüşündə birincilər rəqibini 2-0 hesabı ilə məğlub edib. "Yasamal" - "Xilə" matçı da eyni hesabla yekunlaşıb. 4-cü turda futtennis üzrə Azərbaycan Kubokunun finalçısı olan "Marafon" güclü heyətə malik "Yeni Günəşli" qarşısında tab gətirə bilməyib 1-2. Gün ərzində ikinci dəfə mübarizəyə atılan "Atletiko" "Yasamal"la bacara bilməyib 0-2. 3-cü turda qalib gələ bilməyən "Xilə" bu dəfə də yenilgi ilə barışıb. Heyətində futbol üzrə yığma komandamızın sabiq forvardı Fərid Quliyevin çıxış etdiyi NUR komandası rəqibinə 2-1 hesablı məğlubiyyət yaşadıb. 

21 dekabr 

A qrupu, 3-cü tur 

Atletiko - Yeni Günəşli         0-2

NUR - Marafon                 0-2

Yasamal - Xilə                  2-0

Yeni Günəşli - Marafon         2:1 

Atletiko - Yasamal              0-2

Xilə - NUR                       1-2