Avropa Liqasının birinci təsnifat mərhələsi çərçivəsində Gürcüstanın "Samtredia" klubu ilə ilk oyuna çıxacaq "Qəbələ" ciddi itki ilə üzləşib. Azerisport.az xəbər verir ki, bölgə təmsilçisinin yarımmüdafiəçisi Asif Məmmədov komandaya kömək edə bilməyəcək.

Buna səbəb onun zədə almasıdır. Bunu futbolçunun özü bildirib: "Çox təəssüf ki, bu gün oynamayacağam. Gürcüstandakı yoxlama oyunlarından birində zədə aldım. Ümid edirəm ki, "Samtredia" ilə cavab matçına qədər hər şey qaydasına düşər və mən də meydana çıxaram".