Albaniya yığmasının üzvləri Avropa çempionatından vətənə qayıdıb. Sportfm.az xəbər verir ki, Tirana hava limanında Albaniyanın baş naziri Edi Rama təntənəli şəkildə yığma üzvlərinə paytaxtın rəsmi açarlarını təqdim edib. Yığma üzvləri pul mükafatı da alıblar. Fransadakı çıxışa görə yığma komandaya 1 milyon avro mükafat verilib. Albaniya millisi AÇ-2016-da Fransa, İsveçrə və Rumıniya ilə birgə A qrupunda mübarizə aparıb. Meydan sahiblərinə 0:2, İsveçrəyə isə 0:1 hesabıyla uduzan albanlar, son oyununda Rumıniyanı 1:0 hesabıyla məğlub edərək, qrup mərhələsini 3-cü pillədə başa vurmuşdu.  Qeyd edək ki, "Qarabağ"ın müdafiəçisi Ansi Aqollinin kapitanı olduğu Albaniya yığması AVRO 2016-nın seçmə mərhələsində Serbiya ilə səfərdə keçirdiyi oyunda böyük insident baş vermişdi. Matçdan sonra yaranan qalmaqalı təşkil etməkdə təqsirli bilinən, Albaniyanın baş nazirinin qardaşı Olsi Rama serb polisi tərəfindən həbs edilmişdi.