Cüdo üzrə Azərbaycan millilərinə yeni baş məşqçi təyin edilib

Sportfm.az xəbər verir ki, bu barədə məlumatı Azərbaycan Cüdo Federasiyasının vitse-prezidenti Sadıq Sadıqov verib.

O bildirib ki, kişilərdən ibarət Azərbaycan millisi ukraynalı Ruslan Maşurenkoya həvalə edilib. Sidney-2000-nin üçüncüsü və Avropa çempionatının ikiqat bürünc mükafatçısı olan 46 yaşlı mütəxəssisə avstriyalı Peter Zayzenbaherin gedişindən sonra yığmamızda baş məşqçi əvəzi işləyən Fərhad Məmmədov köməklik edəcək.

Qadınlardan ibarət yığmamızda isə Elçin İsmayılovu Natiq Bağırov əvəzləyib. Sambo üzrə Avropa, cüdo üzrə ikiqat dünya və dördqat Avropa çempionu olan 53 yaşlı həmyerlimiz bu təyinatadək kişi cüdoçulardan ibarət Belarus millisində böyük məşqçi kimi fəaliyyət göstərirdi.

Oxşar xəbərlər

Millimizdə yeni baş məşqçi - Təyinat

Azərbaycan yığmalarının yeni məşqçilər heyəti açıqlandı - SİYAHI

Millidə yeni baş məşqçi

Millimizdə yeni baş məşqçi

Yığmamızın baş məşqçisi təyin edildi