EURO 2016-da Türkiyəyə məğlubiyyətdən sonra Çexiya millisinin iki futbolçusu yığmadakı karyerasını başa vurub.

Qol.az-ın ESPN-ə istinadən verdiyi məlumata görə, bunlar yarımmüdafiəçi Yaroslav Plaşil və hücumçu David Lafatadır.

Hər iki futbolçu dünənki matçdan sonra millidəki karyeralarını bitirdiklərini açıqlayıb. Lafata Çexiya millisində 41, Plaşil isə 103 oyun keçirib.

Qeyd edək ki, EURO 2016-da qrup mərhələsinin son turunda Türkiyəyə 0:2 hesabı ilə uduzan çexlər turnirlə vidalaşıb.