2018-ci ildə Bakıda WBC versiyası üzrə çempionluq görüşü keçiriləcək.

Sportfm.az xəbər verir ki, bunu Dünya Boks Şurasının (WBC) prezidenti Maurisio Süleyman bu gün keçirilən mətbuat konfransında deyib.

M.Suleyman deyib: "Bakıya gəlişim hər zaman xatirimdə qalacaq. Bakıda gözləmədiyimiz qonaqpərvərlik gördük".

O qeyd edib ki, Azərbaycan Dünya Boks Şurasının 55-ci Konvensiyasının Bakıda keçirilməsi üçün bütün lazım olan şəraiti yaradıb.

M.Suleyman vurğulayıb ki, Azərbaycanda idmanın inkişafına böyük diqqət yetirilir.

O bildirib ki, Azərbaycan boksçuları dünyada tanınır və uğurlu nəticələr əldə edirlər.

M.Suleyman həmçinin əlavə edib ki, Azərbaycanda Peşəkar Boks Federasiyasının yaradılması istiqamətində iş aparılır: "Biz Azərbaycana Peşəkar Boks Federasiyasının yaradılması ilə bağlı bütün lazım olan dəstəyi göstərməyə hazırıq".

Oxşar xəbərlər

Peşəkar boks üzrə yarış keçiriləcək

Azərbaycanda bir ilk - WBC ilə təlimlər - VİDEO

Bakıda Ümumdünya Boks Şurasının 55-ci Konvensiyasının açılışı oldu

"Bakıda yüksək qonaqpərvərliklə qarşılandım" - Evander Holifeld

Ümumdünya Boks Şurasının 55-ci Konvensiyası paytaxtımızda keçiriləcək