Türkiyə millisinin baş məşqçisi Fatih Terim tərcüməçiyə əsəbiləşib. Sportfm.az Türkiyə mətbuatına istinadən xəbər verir ki, İspaniya "Avro-2016” oyunu öncəsi keçirdiyi mətbuat konfransında təcrübəli mütəxəssis türkiyəli jurnalist Mehmet Demirkolun ona ünvanladığı türkcə sualın ingilis dilinə çevrilməsini istəyib. Lakin tərcüməçi ona "Hocam sual onsuzda türk dilindədir, ingilis dilinə tərcümə etməyə nə ehtiyac var cavabını verib". Terim təmkinini qoruyaraq verilən sualı cavablandırıb. Mətbuat konfransı qurtaran kimi isə, tərcüməçiyə sərt formada öz iradını bildirib. "Burda çoxlu sayıda əcnəbi var. Niyə tərcümə etmədin?" - deyərək mətbuat konfransını tərk edib.