Gələn il Azərbaycan Gimnastika Federasiyası (AGF) bir sıra mühüm beynəlxalq yarışlara ev sahibliyi edəcək.

Sportfm.az xəbər verir ki, Dünya Kubokunun mərhələ yarışları ilə yanaşı, gələn ilin oktyabrında Buenos-Ayresdə baş tutacaq yeniyetmələr arasında Olimpiya Oyunlarının idman gimnastikası üzrə təsnifat yarışları ilk dəfə Bakıda keçiriləcək.

İyunun 22-dən 23-dək Milli Gimnastika Arenasında kişi və qadın idman gimnastları arasında ən güclülər müəyyənləşəcək.

Həmçinin gələn il aprelin 12-15-də Bakıda batut, ikili mini batut və tamblinq üzrə Avropa çempionatı da təşkil ediləcək. Bu çempionat çərçivəsində keçiriləcək təsnifat xarakterli yarışlarda isə Buenos-Ayresə yollanacaq yeniyetmə batutçuların və 2019-cu ildə təşkil olunacaq II Avropa Oyunlarına vəsiqə qazanacaq böyük batutçuların adları məlum olacaq.

Oxşar xəbərlər

Dünya kubokunun yoxlama məşqləri keçirildi - FOTO

Dünya Kubokunda batut üzrə fərdi proqramların qalibləri mükafatlandırıldı - FOTO

Bakıda 400-dən çox gimnast Qur-Qurla coşacaq

Bakıda Dünya Kuboku

Bakı batut gimnastikası üzrə 26-cı Avropa çempionatına hazırlaşır