Azərbaycan aerobika gimnastları Çinin Nankin şəhərində keçirilmiş dünya kubokunda qızıl medal qazanıblar.

Sportfm.az xəbər verir ki, bu barədə Azərbaycan Gimnastika Federasiyasından məlumat verilib.

Yarışda ölkəmizi fərdi proqramda Sara Əlixanlı, qarışıq cütlük proqramında isə Mədinə Mustafayeva və Vladimir Dolmatov təmsil ediblər.

Təsnifat mərhələsinin nəticələrinə əsasən, Sara Əlixanlı 17.900 xal, Mədinə Mustafayeva və Vladimir Dolmatov isə 18.600 xal toplayaraq final mərhələsinə vəsiqə qazanıblar.

Finalda qarışıq cütlük 19.100 xalla rəqiblərini geridə qoyaraq qızıl medalın sahibi olub. Sara Əlixanlı isə 18.050 xalla 6-cı yerdə qərarlaşıb.

Oxşar xəbərlər

Gimnastlarımızdan dünya kuboku və AGF Trophy yarışlarında 3 qızıl medal

Gimnastlarımızdan Fransada böyük uğur

Azərbaycan gimnastlarından üç qızıl medal - "Pharaohs Cup"

Gimnastımız beynəlxalq turnirin qalibi oldu

Bu gün gimnastlarımız 4 növdə çıxış edəcək - Dünya çempionatı