Misli Premyer Liqasında 32-ci tur davam edir.

Sportfm.az xəbər verir ki, ikinci oyun günündə 2 matç keçirilib. Həm “Qarabağ”ın, həm də “Turan Tovuz”un gümüş medal qazanmaq şansı qaldığı üçün bu komandaların oyunları eyni vaxtda start götürüb.

“Qarabağ” öz meydanında “İmişli”ni qəbul edib. Matç Ağdam təmsilçisinin 3:0 hesablı qələbəsi ilə başa çatıb. Hazırda Ağdam klubu 66 xalla 2-ci, İmişli təmsilçisi isə 33 xalla 9-cu pillədə qərarlaşıb. Qurban Qurbanovun komandası “İmişli”yə qalib gələrək sona 1 tur qalmış ikinci yeri rəsmiləşdirib, həmçinin avtomatik Avropa Liqasına vəsiqəni təmin edib.

“Turan Tovuz” isə səfərdə “Şamaxı” ilə üz-üzə gəlib. Matç Şamaxı təmsilçisinin 3:2 hesablı qələbəsi ilə başa çatıb. Bu nəticədən sonra üçüncülüyü rəsmiləşdirən "Turan Tovuz" növbəti mövsümdə ölkəmizi Konfrans Liqasında təmsil etmək hüququ qazanıb. Qərb təmsilçisi mübarizəyə birbaşa 2-ci təsnifat mərhələsindən başlayacaq.

Konfrans Liqasına vəsiqə qazanacaq digər klub isə "Neftçi" və "Zirə" komandalarından biri olacaq. Çempionatı 4-cü pillədə başa vuracaq komanda mübarizəyə Konfrans Liqasının 1-ci təsnifat mərhələsindən start verəcək.

16 may (şənbə)

17:00. “Şamaxı” - “Turan Tovuz” - 3:2

Qollar: Arsen Ağcabəyov, 9 (1:0), Dioqo Balau, 28 (2:0), Vadji İbrahima, 65 (2:1), Alexandro Serrano, 73 (2:2), Abdulla Rzayev, 83 (3:2)
Baş hakim: Rəvan Həmzəzadə
Şamaxı şəhər stadionu

17:00. “Qarabağ” - “İmişli”- 3:0

Qollar: Kamilo Duran, 46, Marko Yankoviç, 66-pen.; Abdullah Zubir, 78
Baş hakim: Emin Əliyev
Tofiq Bəhramov adına Respublika Stadionu

17 may (bazar)

18:00. “Zirə” - “Sumqayıt”

18:00. “Sabah” - “Neftçi”

15 may (cümə)

“Karvan-Yevlax” - “Qəbələ” - 1:2

“Araz-Naxçıvan” - “Kəpəz” - 2:0

Oxşar xəbərlər

“Şamaxı” “Turan Tovuz”a, “Qarabağ” “İmişli”yə qarşı - Premyer Liqa

"Qarabağ" "Turan Tovuz"u uddu - Premyer Liqa

"Kəpəz" "Sumqayıt"ı, "İmişli" "Araz-Naxçıvan"ı uddu - Premyer Liqa

“Qarabağ” rəqibinə 7 top vurdu - Premyer Liqa

“İmişli” “Kəpəz”ə, “Turan Tovuz” “Karvan-Yevlax”a qarşı - Premyer Liqa