Gələn həftə güləş üzrə ilin ilk dünya çempionatı keçiriləcək.

Sportfm.az xəbər verir ki, Yunanıstanın paytaxtı Afina U17 yaş qrupu üzrə mundiala ev sahibliyi edəcək. İyulun 28-dən avqustun 3-dək dünyanın ən güclü yeniyetmə güləşçiləri müəyyənləşəcək.

Yarışa yunan-Roma güləşçilərimiz start verəcək. Böyük məşqçi Taleh İsrafilov, məşqçilər Rasim Ağayev, Elbrus Məmmədov və Nazim Əhmədovun rəhbərliyi altında Abdurrahman Hüseynli (45 kq), Qurban Məcnunov (48 kq), Hikmət Haqverdiyev (51 kq), Nihat Bəhmənov (55 kq), Əli Nəzərov (60 kq), Hüseyn İsgəndərov (65 kq), Yusif Əhmədli (71 kq), Nicat Yeylaqaliyev (80 kq), Səid Paşayev (92 kq) və Rihad İbrahimli (110 kq) uğur qazanmağa çalışacaq.

Daha sonra böyük məşqçi Həsrət Məmmədyarovun nəzarəti altında Nəzrin Əhmədli (46 kq), Fatimə Bayramova (53 kq) və Esra Məmmədli (57 kq) xalçaya çıxacaq.

Yarışın son günlərində isə sərbəst güləşçilər mübarizəyə qoşulacaq. Böyük məşqçi Əsgərxan Novruzov, məşqçilər Vahid Məmmədov və Yaşar Əliyevin rəhbərliyi altında Sadiq İsmayılov (45 kq), Rəvan Həsənzadə (48 kq), Ramal Mirhüseynov (51 kq), Ruslan Əlizadə (55 kq), Həsən Həsənov (60 kq), Hüseyn İsmayılov (65 kq), Rəşad Veysəlov (71 kq), Nihad Süleymanlı (80 kq), Səid Paşayev (92 kq) və Hakim Tağıyev (110 kq) çıxış edəcək.

DÇ-də I dərəcəli hakimlərimizdən Elman İsmayılov və Natiq Hacıyev ədaləti qoruyacaq.

Oxşar xəbərlər

Millimizin Avropa çempionatı üçün heyəti

Tarakanov Qurban Qurbanovu Dünya Çempionatına aparır

Millimiz dünya çempionatında iştirak edəcək

Avropa çempionatında iştirak edəcək güləşçilərimiz

Güləşçilərimiz "Zəfər kuboku"nda iştirak edəcəklər