İyunun 25-dən iyulun 2-dək Minskdə təlim-məşq toplanışında olacaq qadın futbolçulardan ibarət Azərbaycan milli komandasının Belarus yığması ilə keçirəcəyi yoldaşlıq oyunlarının yeri, başlanma vaxtı və hakimləri müəyyənləşib.

Sportfm.az xəbər verir ki, iyunun 28-də Jodinodakı “Torpedo” stadionunda keçiriləcək ilk görüş Bakı vaxtı ilə saat 19:00-da başlanacaq.

İyulun 1-dəki qarşılaşma isə Bakı vaxtı ilə saat 17:00-da Minskdə yerləşən “Traktor” stadionunda təşkil olunacaq.

Hər iki matçı rusiyalı Vera Opeykina idarə edəcək. Ona həmyerliləri Yekaterina Kuroçkina və İrina Çeçenina köməklik göstərəcəklər. Ehtiyat hakim funksiyasını isə belaruslu Volqa Blotskaya yerinə yetirəcək.

Bildirilir ki, millimizin toplanış üçün heyəti barədə daha sonra məlumat veriləcək.

Oxşar xəbərlər

Belarus - Azərbaycan oyununun yeri açıqlandı

Azərbaycan - Macarıstan matçının hakimləri bilindi - Yoldaşlıq oyunu

Millimizin Rusiya ilə oyunlarının hakimləri məlum oldu

Macarıstan - Azərbaycan oyununun hakimləri bilindi - Avropa çempionatı

"Qarabağ"ın matçı Vitalijsə tapşırıldı