Misli Premyer Liqasının XXVIII turunun “Neftçi” – “Araz-Naxçıvan” oyunu erkən qarşılıqlı qollarla əlamətdar olub. 1:1 hesabı ilə başa çatan görüşdə hər iki top ilk 7 dəqiqəyə təsadüf edib. Bassala Sambu 3-cü dəqiqədə meydan sahiblərini önə çıxarıbsa, İssuf Paro artıq 7-ci dəqiqədə hesaba tarazlıq gətirib.

Hər iki komandanın belə erkən qol vurması mövsümdə ilk dəfə yaşanıb. Cari çempionatın heç bir matçında ilk 7 dəqiqədə qarşılıqlı qollar qeydə alınmamışdı.

“Neftçi Arena”dakı görüşədək 2 matçda 8-ci dəqiqədə hesab bərabərləşib. 2024-cü il sentyabrın 22-də keçirilən “Səbail” – “Sabah” (2:4) qarşılaşmasında Amir Bilali 4-cü, Coy Lens Mikels 8-ci dəqiqədə fərqlənib. Oktyabrın 5-də baş tutan “Sabah” – “Araz-Naxçıvan” görüşündə (1:1) isə Pavol Safranko 5-ci, Felipe Santos 8-ci dəqiqədə qola sevinib.

“Neftçi” – “Araz-Naxçıvan” matçı ümumilikdə 2 ən erkən qolun vurulmasına görə isə cari mövsümün ikinci göstəricisi ilə yadda qalıb. Mütləq rekord 2024-cü il noyabrın 8-də keçirilən “Neftçi” – “Şamaxı” matçında qeydə alınıb. Həmin görüşdə hər iki qola eyni komanda imza atıb. “Ağ-qaralar” 3 dəqiqədə 2 top vurublar. Dembo Darbo 1-ci, Murad Məmmədov 3-cü dəqiqədə fərqlənib.

Oxşar xəbərlər

"Araz-Naxçıvan" "Şamaxı"ya qarşı - Misli Premyer Liqası

"Neftçi" "Kəpəz"ə qarşı - Misli Premyer Liqası

"Neftçi" "Sumqayıt"a qarşı - Misli Premyer Liqası

“Araz-Naxçıvan” “Kəpəz”ə, “Zirə” “Neftçi”yə qarşı - Misli Premyer Liqası

"Araz-Naxçıvan" "Neftçi"yə qarşı - Misli Premyer Liqası