Fransa çempionatında XXIV turun "Brest"lə ev oyununda baş hakimə fiziki təzyiq göstərdiyi üçün 9 aylıq diskvalifikasiya olunan "Lion"un baş məşqçisi Paulu Fonseka davranışını böyük psixoloji təzyiqlə əlaqələndirib.

Sportfm.az xəbər verir ki, məsələ ilə bağlı keçirilən dinləmədə portuqaliyalı mütəxəssis dünyada mövcud geosiyasi vəziyyət, xüsusən də ABŞ-nin 47-ci prezidenti Donald Trampın qərarlarından stres keçirdiyini bildirib.

Fonseka həmçinin Tramp və Ukrayna Prezidenti Volodimir Zelenski arasında mübahisə fonunda Ukraynadakı vəziyyətlə bağlı qeyri-müəyyənlikdən narahat olduğunu bildirib.

O, "Brest"i 2:1 hesabı ilə məğlub etdikləri oyunun son dəqiqələrində baş hakim Benua Millonun üstünə şığıyaraq sərt etiraz etmişdi.

Qeyd edək ki, Paulu Fonseka 2016 - 2019-cu illərdə Ukraynanın "Şaxtyor Donetsk" klubunun sükanı arxasında olub. O, burada olarkən 2018-ci ildə evləndiyi həyat yoldaşı Yekaterina Ostrouşko ilə tanış olub.

Oxşar xəbərlər

Fonseka "Milan"ın baş məşqçisi oldu - TƏYİNAT

"Fənərbaxça"da yeni baş məşqçi - Müqavilə

"Roma" baş məşqçisini göndərir - RƏSMİ

"Roma"nı "Şaxtyor"dan ayrılan baş məşqçi çalışdıracaq

Premyer Liqa klubu onunla bağlı qərarını verdi