Bir müddət öncə Sportfm.az saytının verdiyi məlumat öz təsdiqini tapıb. Turqay Fərzəliyev Serbiyanın ən titullu futzal klublarından biri olan "Ekonomats"ın idman direktoru və vitse-prezidenti təyin olunub. 

 

Təyinatı ilə bağlı Sportfm.az saytına danışan "Fənər" komandasının sabiq prezidenti bunları dedi:"Mən uzun illərdir bu kluba yaxından kömək edirdim. İndi isə futzalda qazandığımız təcrübənin tətbiqi üçün əla şərait yaranıb. Bu bir ictimai vəzifədir, mən həmişə dostlarımın yanında olmuşam. "Ekonomats"ın güclü kluba çevrilməsi üçün əlimdən gələni edəcəm". 

Qeyd edək ki, "Ekonomats" 9 dəfə Serbiya çempionluğunu qazanıb.