"Turan Tovuz" klubu yeni baş məşqçisinin adını açıqlayıb.

Sportfm.az klubun mətbuat xidmətinə istinadən xəbər verir ki, Premyer Liqa təmsilçisi Kurban Berdiyevin təyinatını rəsmiləşdirib.

Aparılan danışıqlardan sonra tanınmış mütəxəssislə 2+1 illik müqavilə bağlanılıb.

Daha çox Rusiya təmsilçisi “Rubin”dəki uğurları ilə tanınan Kurban Berdıyev Qazaxıstanda “Kayrat”, “Taraz”, Türkiyədə “Gənclərbirliyi”, Türkmənistanda “Nisa” və əsas milli komanda, İranda “Traktor”, Rusiyada “Rostov”, “Soçi”, “Dinamo” (Mahaçqala) komandalarına rəhbərlik edib.

PRO kateqoriyalı mütəxəssis “Rubin”lə 2 dəfə Rusiya çempionu olmaqla yanaşı, 2 dəfə Rusiya Superkuboku, 1 dəfə isə ölkə kubokuna sahib olub. O, 2020-2021-ci illər mövsümdə “Kayrat”la Qazaxıstan Kubokunu başı üzərinə qaldırıb.

Oxşar xəbərlər

Kurban Berdıyev bu futbolçuya güvənəcək

Berdıyev “Turan Tovuz”da

Kurban Berdıyevin yeni klubu - "Dinamo"

Kurban Berdıyevin yeni iş yeri - RƏSMİ

Kurban Berdıyev “Kayrat”dan ayrıldı - Müqaviləyə xitam verildi