Cənubi Koreyada 20 yaşadək futbolçular arasında dünya çempionatı başa çatıb.

Sportfm.az xəbər verir ki, finalda İngiltərə və Venesuelanın U-20 yığmaları üz-üzə gəlib. Matçın 34-cü dəqiqəsində fərqlənən Kelvert-Lyuin ingilisləri mundialın qalibi edib.

Bu, İngiltərənin U-17 və U-20 səviyyəsində ilk dünya çempionluğudur. Əsas komanda 1966 mundialının qalibi olub. U-20 dünya çempionatında 3-cü yeri isə Uruqvayı penaltilər seriyasında məğlub edən İtaliya tutub.